Nga Drini Zeqo
E hëna nisi që të dielën. Kështu ndodh zakonisht në ‘OPINION’. Pra që ta kuptoni më mirë, e diela shpesh rastis të jetë një ditë punë sepse duhet të bëhesh gati për emisionin e te hënës. Vendosëm që të hënën të bënim një debat lidhur me daklaratat e imamit Elvis Naçi. Blendi e kishte kërkuar këtë te premten në mbledhjen e fundit të javës. Dhe e diela nisi me telefonatat për të mbyllur të ftuarit e kësaj teme. Unë me Desadën, kaluam thuajse gjithë të dielën duke kaluar emra dhe variante për ata që do ishin pjesë e panelit.
Në fakt pasi u bëmë gati për të dalë në transmetim te hënën LIVE, gjatë ditës pati deklarata të forta nga ambasadori amerikan Donald Lu, lidhur me bandat kriminale që operojnë në vend. Kështu na u desh ti kërkonim të ftuarve që emisionin për “deklaratat e imamit” ta regjistronim në orën 20:30 dhe më pas të ishim live në orën 22:15 me një panel për bandat kriminale në vend.
Për fat të ftuarit e mirëkuptuan këtë ndryshim dhe emisioni shkoi shume mirë, ai u transmetua të martën. Debati ishtë i nxehtë dhe delikat, madje disa nga të ftuarit vijuan të kishin debat edhe jashtë studios. Audienca kishte reaguar me shumë interes për ngjarjen në fjalë, madje videot që shpërndamë në facebook patën një shikueshmëri ndjeshëm më të madhe se ato të emisioneve të tjera.Imami Elvis Naçi doli nga studio duke patur pakënaqësi me disa nga të ftuarit për mënyrën si kishin debatuar në emision.
E mërkura na vendosi në sfidën e një emisioni i cili duhej të ishtë i lidhur me aktualitetin por nga një këndvështrim, aktualiteti steril në Shqipëri nuk po na jepte shumë dorë. Gjatë mbledhjes me stafin vendosëm që të kishim dy tema brenda një emisioni, një formulë e cila na ka rezultuar të jetë efikase. Temat ishin “Referendimi për pavarësinë e Katalonjës” dhe “Masakra e Las Vegasit”. Të dyja funksionuan. Pamjet filmike dhe të ftuarit krijuan miksimin e duhur për të marrë vëmendjen e shikuesve. Majlinda Bregu doli me dhimbje koke nga programi, por kjo jo për shkak të transmetimit televiziv.
E enjtja finale, e cila përmbyll javën e emisioneve në OPINION, është një sfidë pasi kërkon një impenjim më specifik, pavarësisht kësaj, Blendi insiston që nuk duhet parë si e ndryshme nga ditët e tjera të javës.
Duke pritur Blendin në oborr para emisionit atë mbrëmje, ai del nga makina duke dëgjuar këngë fëmijësh. Një ditë më parë kish festuar ditëlindjen e vazjës së vogël. Alis shpesh kthehet në një moment afeksioni për të gjithë e në çdo rast për Blendin.
Mes aktulitetit të ditës që lidhej me zhvillimet e së enjtes që vinin nga parlamenti dhe bllokimit e foltores nga deputetët e PD-së apo një varianti që mund të krijonte më shumë debat se kjo, vendosëm të zgjedhim këtë të dytën. Islamofobia ishte tema që e gozhdoi edhe njëherë tjetër audiencën. A janë shqiptarët islamofob ishte debati që përmbylli këtë javë transmetimesh në OPINION.
