Të tjera detaje nga raporti i 20-vjeçares Caroline me bashëshortin e saj, Babis. “Daily Mail” nxjerr detaje nga ditari i viktimës, i gjetur i fshehur në kutitë e këpucëve të çiftit në banesën Glyka Nera.
Sipas gazetës britanike, provat e reja e bëjnë të qartë se martesa e viktimës me 32-vjeçarin nuk po shkonte mirë dhe se Caroline e konsideronte burrin e saj si një person jashtëzakonisht të rrezikshëm.
“I vetmi person nga i cili ajo mund të fshehë ditarin ishte burri i saj,” u citua një burim policie nga Daily Mail.
Në fakt, policia që heton çështjen, vlerëson se shumë nga fjalët që Caroline përdor në ditarin e saj sekret, janë shkruar me gërma me ngjyra të ndryshme dhe përmbajnë emra të “koduar”, në mënyrë që Babis Anagnostopulos të mos mundej të deshifronte të gjitha përmbajtjet, në rast se ditari do të binte në duart e tij. Sipas një burimi policor të cituar nga Daily Mail, Caroline përdori shkronjat “DG” (Djali i Rrezikshëm) për të përshkruar burrin e saj si një “djalë jashtëzakonisht të rrezikshëm”. Ditari thuhet gjithashtu se përmban cilësime negative ndaj bashkëshortit, çka vërteton se marrëdhënia e tyre ishte problematike. Autenticiteti dhe vlefshmëria e këtij ditari të veçantë të cituar nga Daily Mail mbetet për t’u provuar, pasi ajo që ishte bërë e njohur deri më tani nga dosja e çështjes nuk përfshin informacion në lidhje me ditarin e dytë të Caroline, shkruan CNN grek.
Disa ditë më parë, artikuj në shtypin grek tashmë kishin nxjerrë në dritë të dhëna nga një ditar i Caroline që përshkruante situata në marrëdhëniet e çiftit dhe gjendjen e tyre psikologjike. Vlen të përmendet se Caroline vuante nga depresioni pas lindjes, ndërsa në informacion thuhet se foshnja e saj lindi para kohe me probleme serioze shëndetësore, për të cilat ajo tashmë ka kaluar dy operacione.
Nga ato detaje të ditarit të Caroline, të cilat u përfshinë në dosjen e çështjes, duket se tensionet në marrëdhëniet e çiftit ishin prej kohësh. Konkretisht, 31 shënime u gjetën në ditarin e saj nga data 15.11.19 deri më 02.11.20 ku shihen edhe synimet e viktimës për të lënë burrin e saj, duke marrë fëmijën e tyre me vete.
Në të njëjtën kohë, një mister mbulon udhëtimin që Caroline 20-vjeçare dyshohet se bëri në Kretë dhe posaçërisht në Souda. Sipas asaj që ka dalë në dritë, në javën e dytë të prillit, 20-vjeçarja dyshohet se vizitoi një person mashkull në Souda, në mënyrë që të shihte një shtëpi me qira.
Duke folur për Creta24, pronari i shtëpisë zbuloi se Caroline e pafat nuk vizitoi kurrë shtëpinë, fotot e së cilës janë publikuar në media.
“Ajo nuk erdhi këtu, as kjo vajzë e as burri i saj nuk më telefonuan. Unë e kam ngarkuar njoftimin në një faqe të cilën ajo mund ta ketë parë dhe e ka ruajtur në laptopin e saj, në mënyrë që ajo ta shohë atë në një moment dhe nuk ka arritur ta shohë”, u shpreh ai.
Sipas pronarit të shtëpisë, shtëpia ishte marrë me qira deri në dhjetor, ndërsa aktualisht aty po jeton vajza e tij. “Për momentin, vajza ime po qëndron përkohësisht, derisa ta shes, sepse e kam nxjerrë në shitje në agjenci të pasurive të patundshme. Vajza nuk ka ardhur, këtu. As ajo dhe as e shoqëruar me dikë tjetër. Ajo e ka parë njoftimin në një faqe dhe ka shumë të ngjarë që Policia Greke ta ketë parë atë në siten ku është nxjerrë”./Opinion.al
