Kjo e shtunë përkon me Ditën Ndërkombëtare të Pastrimit të Bregdetit.
Për këtë arsye Agjencia Kombëtare e Zonave të Mbrojtura ka marrë nismën për një organizim masiv pastrimi.
Bashkë me pjesëmarrjen e bashkive bregdetare, shkollave, qytetarëve e grupeve vullnetare ka nisur pastrimi i bregdeteve në Velipojë, Kune, Hamallaj, Divjakë dhe Nartë.
Nga qyteti i Durrësit mësohet se puna për pastrimin e vijës bregdetare tashmë ka nisur.
Të pranishëm në këtë aksion pastrimi janë grupe vullnetare përfshirë edhe pjesë të administratës, institucioneve, universiteteve apo shkollave.
Ndërkohë plazhi i Shëngjinit, vija bregdetare e Lezhës është cilësuar si një nga zonat më të pastra në të gjithë Shqipërinë.
Ai thekson se nga bashkia janë marrë disa herë iniciativa pastrimi. Sa i përket ditës së sotme gazetari shprehet se të pranishëm janë punonjësit e bashkisë, njësitë administrative të Shëngjinit dhe Talës që janë angazhuar, vullnetarë si dhe përfaqësues të drejtorive përkatëse.
Ndërkohë në plazhin e Velipojës pastrimi i bregdetit është bërë ditën e djeshme./Tvklan
