Ministrja e Arsimit, Evis Kushi ka prezantuar nismën “Konkursi Kombëtar i Gjuhës Shqipe” në Ditën Ndërkombëtare të Arsimit. Ministrja thekson se synimi kryesor është mbrojta e Gjuhës Shqipe brez pas brezi.
“Lidhet me prioritetin e ruajtjes dhe forcimit të gjuhës shqipe. Në këtë kuadër kemi shpallur Konkursin Kombëtar të Gjuhës Shqipe midis klasave e nënta në të gjitha shkollat e qyteteve të vendit. Konkursi do të zhvillohet në dy faza, e para në nivel zyrash arsimore dhe e dyta në nivel kombëtar. Në 13 episode dhe një finale të madhe deri në Maj.”- tha Kushi.
Ekpertët e fushës së Gjuhës Shqipe kanë ngritur shpesh herë shqetësimin mbi brezin e ri dhe problematikave të hasura në këtë fushë. Kjo nismë është mjaft e rëndësishme për të reduktuar dhe rregulluar këto probleme./Opinion.al
