Kombëtarja shqiptare e futbollit nën drejtimin e trajnerit Silvinjo dhe stafit teknik ka vazhduar përgatitjet në ditën e tretë të saj.
Ashtu si dje, sulmuesi Manaj nuk ka punuar me grupin për shkak të gjendjes së tij gripale.
Stafi mjekësor po ndjek gjendjen e tij.
Ndërkohë që pjesa tjetër e futbollistëve kanë qenë në dispozicion të brazilianit, që tashmë i ka idetë më të qarta për gjendjen fizike të tyre.
Ndërsa ekipi punoi paradite me ushtrimet fizike, në mbasdite në “Shtëpinë e Futbollit”, puna u përqëndrua në aspektin taktik, ndërsa trajneri Silvinjo zgjodhi edhe që ta ndante ekipin në dy grupe, ku u zhvillua edhe një ndeshje mes tyre.
Në fushë u pa një ritëm i lartë i kuqezinjve.
Vëmendja e teknikut është te sulmesit Broja, Muçi dhe Uzuni, me gjendjen e Manajt ende të paqartë.
Sfida me Serbinë, e treta për kualifikueset e Kupës së Botës 2026 do të luhet në “Arenën Kombëtare” më 7 qershor.
Klan News
