Sot është dita e shtatë e rinumërimit të votave të qarkut Tiranë, për zgjedhjet parlamentare të 11 majit, por duket se nuk ndonjë lëvizje në mandate.
Nga 1207 kuti votimi, janë rinumëruar 790 qendra të tilla, pra rreth 60% e votave.
Pritshmëritë e Partisë Demokratike, për përmbysje të rezultateve të zgjedhjeve të 11 majit, duket se janë zbehur, pasi kjo forcë politike po humbet më shumë vota, krahasuar me mazhorancën.
Kampi blu ka humbur në total 408 vota deri më tani. Partia Socialiste, nga ana tjetër ka humbur 304 vota, shkruan tvklan.
Humbje votash ka pasur dhe nga forca të tjera politike, si: Lëvizja Bashkë, së cilës i janë hequr 32 vota, apo Partisë Mundësia, që ka humbur 30 vota.
Sakaq, Koalicioni Euroatlantik i Lulzim Bashës, ka fituar 28 vota.
