E enjtja ka shënuar ditën e katërt të vaksinimit anti-COVID në vendin tonë, proces që po zhvillohet në ambientet e stadiumit “Air Albania” në kryeqytet.
Ministrja e Shëndetësisë, Ogerta Manastirliu përmes një njoftimi në rrjetet sociale ka bërë me dije se po vijon vaksinimi i mjekëve dhe infermierëve. Manastirliu thotë se që prej së hënës, dita kur filloi fushata e vaksinimit në Shqipëri, 266 mjekë dhe infermierë kanë marrë dozën e parë të vaksinës Phizer.
“266 mjekë dhe infermierë të vijës së parë të betejës me COVID19, janë sot më të mbrojtur nga virusi i rrezikshëm, pas kryerjes së dozës së parë të vaksinës antiCOVID në “Air Albania Stadium”, shkruan Manastirliu. /Opinion.al
