Shteti shqiptar është sot 106 vjeç. Festa e Pavarësisë apo e Flamurit është festa më e madhe kombëtare që e kremtojnë shqiptarë brenda e jashtë kufijve shtetërorë. Me këtë rast drejtuesit e shtetit kanë uruar si fillim në rrjetet sociale.
Kështu Kryeministri Edi Rama ka postuar një foto me duart në Flamur, shkrepur dy ditë më parë në Pejë, ku u zhvillua mbledhja e përbashkët e dy qeverive.
Ndërsa Presidenti i vendit, ilir Meta shkruan: “Gëzuar Ditën e Flamurit Kombëtar! Një urim të veçantë për çdo shqiptar kudo ndodhet, me këtë poezi, të recituar me shpirt, shumë dashuri dhe emocion nga dy nxënëse shqiptare të shkollës 9-vjeçare në Dacaj të Rozhajës”.
