Kosova shënon sot 21-vjetorin e çlirimit të saj. Më 12 qershor 1999 turpat e KFOR-it hynë në Kosovë për të nxjerrë turpat serbe nga territori i saj.
Presidenti Ilir Meta ka përkujtuar këtë ditë duke ndarë një video nga momentet e hyrjes së trupave ushtarake.
Ndër të tjera ai përkujton ish-presidentin Ibrahim Rugova dhe komandantin e UÇK-së Adem Jashari. Presidenti Meta shpreh mirënjohjen për trupat e NATO-s dhe Shtetet e Bashkuara për ndihmën që ato i kanë dhënë çështjes së Kosovës.
“Sot, në 21-vjetorin e Çlirimit të Kosovës, kujtojmë me nderim të jashtëzakonshëm jetën dhe veprën lapidare të Presidentit historik Ibrahim Rugova dhe Komandantit legjendar Adem Jashari, djemtë dhe vajzat e UÇK-së, si dhe dhjetëra e mijëra Heronj e Dëshmorë që dhanë jetën për Kosovën Republikë, në paqe, të lirë, të pavarur, sovrane dhe demokratike, me orientim të qartë perëndimor, në bashkëpunim e fqinjësi të mirë me të gjithë në rajon.
Përjetë mirënjohës dhe falenderues për NATO-n dhe Shtetet e Bashkuara, që çështjen e lirisë së Kosovës, e bënë çështje të dinjitetit të tyre!”, shkruan Presidenti Meta. /Opinion.al
