Gratë naftëtare kanë hyrë në ditën e 17-të të grevës së urisë ndërsa shprehen të vendosura për të vazhduar rezistencën e tyre.
Të asistuara nga mjekë dhe infermierë, raportohet se për një pjesë të tyre gjendja shëndetësore nuk paraqitet e mirë.
Por pavarësisht thirrjeve të Kryeministrit për të dalë nga greva në mënyrë që të negociohet mbi kërkesat e tyre, naftëtaret janë shprehur të vendosura se më parë duhet të marrin pagat e prapambetura.
“17 ditë grevë urie, kam lënë pas dy vajza që nesër do të duan të shkojnë në shkollë, por nuk kanë para. I kam thënë që mami do të vijë kur të fitoj djersën dhe gjakun. Përgjigja që më tha ishte: mos u tall me fëmijët. Nuk e kuptoj se çfarë po bëjnë këta qeveritarë për naftëtarët. Heshtje vrastare…Vendimmarrja jonë është të vazhdojmë grevën për të marrë atë që na takon. T’i çojmë njëherë bukë fëmijëve dhe pastaj të negociojmë për punën”, u shpreh një nga grevistet./Opinion.al
Ndërkohë një herë në ditë realizohet një vizitë nga infermierët, për gjendjen shëndetësore të grevisteve./Opinion.al
