Greva e urisë së naftëtarëve të Ballshit ka hyrë në ditën e 15 ndërsa ata janë ngrtur sot në protestë duke marshuar drejt Bashkisë së Mallakastrës.
Naftëtarët kanë paralajmëruar bllokimin e rrugës dhe futjen në rafineri ditën e nesërme nëse nuk marrin përgjigje.
Kreu i sindikatës së naftëtarëve Sokol Dautaj deklaroi se kolegët që vijojnë grevën prej 15 ditësh janë në gjendje mjaft të rënduar.
Dautaj u shpreh se stresi po shtohet akoma më shumë pasi nuk po marrin asnjë përgjigje, qoftë edhe negative.
“Kam zbritur vetë sot t’iu them që shumë nga kolegët janë në gjendje të rënduar. Më tepër ndikon stresi që nuk po marrin përgjigje. Le të vijë dikush që të thotë se përfundimisht ju nuk keni zgjidhje dhe shkoni në shtëpitë tuaja. Shumë nga kolegët kanë lidhur jetën këtu dhe sot flaken në rrugë. Flaken si njerëz jo që kanë punuar me dinjitet që i dhanë miliarda shtetit. Dalin e thotë është normale që Armo ka falimentuar. Pse çfarë është Armo, fasoneri është. Kishin grevë burgjet, reagoi ministrja i zgjidhi. Mjekët në protestë reagoi ministrja e tyre i zgjidhi, Po ministrja jonë ku është. Kjo është tallje. Ku është privati sot. Nuk ka asnjë njeri këtu përveç rojes së sigurisë. Nesër ne do të hyjmë në rafineri të shohim ata dollapët tonë. Ne do të shkojmë në drejtim të qytetit, e kemi të drejtë legjitime. Nëse do të na gjenin në shkelje, nuk e di se si do të reagonte shteti”, tha Dautaj.
Kujtojmë se naftëtarët kanë hyrë në grevë urie pasi kërkojnë likuidimin e pagave të prapambetura si dhe rifillimin e punës së rafinerisë./ Opinion.al
