Televizioni Tch vendosi sot të mos publikojë sot asnjë deklaratë politike me argumentin se është heshtje zgjedhore. Ishte Sokol Balla i cili po transmeton live maratonën e zgjedhjeve i cili tha se deklarata e Metës në Lezhë nuk do të transmetohet sepse është urdhër nga KQZ-ja. Po kështu edhe në faqen online të tch nuk ka asnjë deklaratë politike të LSI dhe PS. Ndërsa PD duhet theksuar se nuk ka bërë asnjë deklaratë të vetme deri më tani.
Po kështu edhe Tv Klan në edicionin qendror të orës 15:30 ka transmetuar një pjesë të shkurtër të deklaratës së Metës në Lezhë, teksa ka bojkotuar të gjitha deklaratat e tjera politike nga selitë e partive.
Sakaq Report TV deri në mesditë ka transmetuar gjithçka, por më pas vendosi ti bllokojnë deklaratat politike. Ndërkohë të gjitha mediat e tjera (deri në këto momente) pasqyrojnë me përpikmëri gjithçka ndodh, qoftë incidente apo deklarata nga partitë politike.
Thirrja e KQZ dhe bordi i monitorimit
Kreu i KQZ i bëri thirrje publike politikanëve të ndalin revanshin dhe të lënë të qetë qytetarët të shkojnë në kutitë e votimit. Deklarata e kreut të KQZ, Klement Zguri erdhi pasi dolën shifrat për një pjesëmarrje të ulët në votime, ç’ka mund të jetë shkaktuar edhe nga këto deklarata.
Nga ana tjetër edhe Bordi i Monitorimit të Medias pranë KQZ u bëri thirrjeve mediave të mos pasqyrojnë deklaratat e politikanëve që shkelin heshtjen zgjedhore duke paralajmëruar edhe gjoba, kryesisht për TV-të.
“Nje numer operatoresh kane pasqyruar deklarata politike te subjekteve zgjedhore, ku pasqyrohen mesazhe te qarta elektorale dhe pozicionet e subjekteve qe marrin pjese ne zgjedhje. Aktualisht, Bordi i Monitorimit eshte ne pritje te raportit te Autoritetit te Mediave Audiovizive bazuar ne te cilin do te vendosen masat e mundshme adminsitrative qe do te propozohen per ato operatore dhe ato subjekte qe kane shkelur heshtjen”, thuhet në njoftim e bordit. /Opinion.al
*faqet online topchannel dhe shqiptarja.com
