Tensionet mes Rusisë dhe Ukrainës ka bërë që shumë shtete të kërkojnë tërheqjen e zyrtarëve dhe shtetasve të tyre nga Ukraina.
Holanda iu ka kërkuar shtetasve të saj të largohen nga Ukraina. Po ashtu dhe Mbretëria e Bashkuar ka këshilluar shtetasit britanikë që të largohen nga Ukraina tani ndërsa mjetet tregtare janë në dispozicion.
Letonia u ka kërkuar shtetasve të saj që të largohen nga Ukraina, duke cituar në një deklaratë të Ministrisë së Punëve të Jashtme atë që e quajti “një kërcënim serioz për sigurinë e paraqitur nga Rusia pranë kufirit ukrainas dhe një kërcënim i besueshëm i përshkallëzimit”.
Norvegjia gjithashtu ka këshilluar të gjithë qytetarët e saj që të largohen nga Ukraina dhe të përdorin udhëtimet në rajonet e afërta të Rusisë dhe Bjellorusisë, duke përmendur situatën e tensionuar të sigurisë dhe ngritjen ushtarake në rajon.
Ndërkohë, SHBA zhvendos skuadrën F-16 nga Gjermania në Rumani. Ushtria amerikane ka thënë se po ripozicionon një skuadron të avionëve luftarakë F-16 nga Gjermania në Rumani, “për të përforcuar sigurinë rajonale”.
