Bota

Disa qajnë,disa ankohen për ushqime dhe karburant, dalin përgjimet e trupave ruse


Bëhu pjesë e Grupit Zyrtar të Opinion.al
>> KËTU <<
               Publikuar në : 11:58 - 02/03/22 |
Opi Nion

Ushtarët rusë që marrin pjesë në pushtimin e Ukrainës janë në një “rrëmujë të plotë”, sipas regjistrimeve zanore të siguruara nga një kompani britanike e inteligjencës.

Mesazhet e përgjuara të radios tregojnë se trupat po refuzojnë t’i binden urdhrave të komandës qendrore për të bombarduar qytetet e Ukrainës dhe po ankohen për mbarimin e furnizimeve me ushqim dhe karburant.

Regjistrimet janë rreth 24 orë, materiale të marra nga firma e inteligjencës ShadowBreak që nga fillimi i pushtimit të Ukrainës javën e kaluar.

Në një nga bisedat e përgjuara, të dëgjuara nga The Telegraph, një ushtar thuhet se dëgjohet po qan.

Në një tjetër, një ushtar dëgjohet duke humbur durimin kur pyet se kur do të arrijë ushqimi ose karburanti. Ai thotë: ‘Kemi tre ditë këtu! Kur dreqin do të jetë gati?’

Një mesazh i tretë zbulon një shkëmbim të tensionuar në të cilin i njëjti ushtar duhet t’i kujtojë një kolegu që flet nga një qendër komandimi se ata nuk mund të përdorin artileri në një zona ku ka civilë.

Themeluesi i ShadowBreak, Samuel Cardillo, 26 vjeç, tha për The Telegraph se atij i ishin dërguar mesazhet nga amatorë që dëgjonin me antena.

Ai tha: “Ajo që kemi gjetur është se operativët rusë po veprojnë në rrëmujë të plotë.

“Ata nuk e kanë idenë se ku po shkojnë dhe si të komunikojnë vërtet me njëri-tjetrin siç duhet.”

Ai shtoi: “Kishte periudha kur i dëgjuam ata [ushtarët rusë] duke qarë në luftime, një periudhë kur ata po ofendonin njëri-tjetrin – padyshim jo një shenjë e moralit të madh.”

Pamjet e tjera të postuara në “Facebook” nga shërbimi ukrainas i sigurisë tregojnë trupat ruse të kapur rob duke u lutur që të afërmit e tyre të bënin thirrje për t’i dhënë fund luftës.

“Ne po vrasim njerëz paqësorë. Kjo nuk është lufta jonë. Nëna dhe gra, mblidhni burrat tuaj. Nuk ka nevojë të jeni këtu”, i tha një ushtar rus i plagosur ukrainasve që e kishin zënë rob, shkruan “Daily Mail”.

Komunikimet e përgjuara gjithashtu tregojnë se ushtarëve rusë u është thënë se do të hasnin pak rezistencë pas hyrjes në Ukrainë.

Por forcat ukrainase janë tani në ditën e shtatë të rezistencës ndaj sulmit rus dhe videot e shumta zbulojnë civilët që përballen me trupat dhe kolonat pushtuese.

Sipas Ukrainës, mbi 5800 ushtarë rusë kanë humbur jetën gjatë pushtimit që nisi gati një javë më parë. Rusia nga ana e saj, ka pranuar se ka pësuar humbje në njerëz, por nuk ka deklaruar asnjë shifër zyrtare të viktimave.


Pas