Një skandal po përfshin orët e fundit disa nga universitetet më prestigjioze të Shteteve të Bashkuara, përfshirë këtu të famshmin “Yale”, një nga më prestigjozët në botë.
Sipas autoriteteve amerikane, një skemë e ndërlikuar korruptive lejonte studentë të pasur të shmangnin standardet e rrepta të këtij universiteti, duke u certifikuar nga trajnerë të universitetit si talente të sportit. Skandali ka përfshirë pranimin e talentëve në sporte grupi, si futbolli për femra.
Në universitetet elitare të SHBA-së, krahas studentëve që hynë falë rrugëtimin e tyre ekselentë në shkollë, një kuotë është e rezervuar edhe për ata që nuk kanë treguar aftësi të veçanta në bankat e shkollës, por në fushat e futbollit amerikan ose në parketin e basketbollit.
Prindërit e një studenti kishin paguar 1.2 milionë dollarë për të marrë certifikatën e çmuar nga trajneri i futbollit për femra në Yale, Rudy Meredith. Autoritetet kanë arrestuar deri më tani 50 persona, përfshirë këtu 33 prindër të pasur, të akuzuar për pastrim parash, mashtrim, dhe korrupsion. Duket se në vend të një të ardhmeje të ndritur, këta studentë do të përballen me burgun./Opinion.al
