Presidenti i Shteteve të Bashkuara të Amerikës, Donald Trump, ka thënë se telefonat inteligjentë të prodhuar në Kinë dhe pajisjet e tjera elektronike nuk do të përjashtohen nga tarifat.
Sipas mediave të huaja, Trump tha lidhur me tarifat, se thjeshtë po ndryshon sistemi i taksimit, por nuk janë hequr fare.
Tregjet evropiane të aksioneve u rritën të hënën në mëngjes pas njoftimit zyrtar të së premtes se disa prej këtyre produkteve do t’i shpëtonin taksave deri në 145%.
Kina i ka bërë thirrje Donald Trump që të “anulojë plotësisht” regjimin e tij të tarifave dhe “të kthehet në rrugën e duhur të respektit të ndërsjellë”.
Sidoqoftë, zyrtarët amerikanë thanë të dielën se produktet do t’i nënshtroheshin një “tarifave gjysmëpërçuese”, ndërsa Trump pritet të zbulojë më shumë detaje më vonë.
Sekretari i Tregtisë i SHBA-së, Howard Lutnick tha se taksa e re do të ishte shtesë e një sërë tarifash globale që SHBA vendosi në fillim të këtij muaji, por që më pas u pezulluan për 90 ditë.
“Ne kemi nevojë për ilaçet tona dhe kemi nevojë për gjysmëpërçues dhe elektronikë që do të ndërtohen në Amerikë”, shtoi ai.
