Një 88-vjeçar ka arritur më në fund të realizojë qëllimin e tij më të madh në jetë: të diplomohej.
Horace Sheffield nga Barnesville, Gjeorgji së bashku me mësuesen e tij Amanda Brannock, ecën nëpër skenë për të pranuar diplomën e tij nga Universiteti Shorter. “Ai është shumë i zgjuar,”-ka thënë mbesa e tij Jill Brazier për ABC News.
Sheffield ka studiuar në Universitetin e Shorterit nga viti 1960 deri në vitin 1965, por ai u largua përpara se të diplomohej për të ndihmuar në edukimin e vajzave të tij.
“Në atë kohë një copë letër nuk thoshte asgjë për mua. Unë kisha edukimin tim, trurin, zemrën time dhe të gjitha i kam përdorur për qëllime të mira. Po 60 vite më vonë unë dëshiroja ta merrja diplomën,”-është shprehur Sheffield.
