Ambasadori rus në Britaninë e Madhe është shprehur se Vladimir Putin nuk ka për të përdorur armët bërthamore kundër Ukrainës.
Andrei Kelin tha për BBC se përdorimin e tyre e ndalojnë rregullat ushtarake të Rusisë. Sipas këtyre rregullave, armët bërthamore nuk përdoren për konflikte si ai me Ukrainën.
“Rusia ka rregulla shumë strikte për përdorimin e armëve bërthamore. Ato mund të përdoren vetëm nëse ekzistenca e shtetit është e kërcënuar. Operacioni aktual në Ukrainë nuk ka asnjë lidhje me një situatë të tillë”, tha Kelin.
