Janë zbuluar detaje të reja në lidhje me vrasjen e djeshme të 50 vjeçarit, Arben Bilali ish polic, pranë zonës së Selitës në Tiranës.
Sipas dinamikës së ngjarjes së ngritur nga grupi hetimor, Arben Bilali ishte pasagjer në një makinë tip “Golf 4”, kur një makinë tip “Benz” e ndoqi nga pas.
Makina e filloi ndjekjen që prej shkollës “Vasil Shanto deri në rrugën “Daniel Ndreka”.
Atentatorët kanë pritur momentin kur Bilali zbriti nga makina, për ta qëlluar pas shpine.
Ai u qëllua vetëm 5 metra larg me armë automatike me silenciator.
Bilali, po sipas informacioneve të grupit hetimor, kishte pak orë që ishte larguar nga banesa.
Ai qëndronte i ngujuar për shkak të hasmërive dhe daljet e tij kanë qenë të rralla.
Çka kanë ngritur dyshimin se ai është thirrur në një pritë. d.l
