Nëse mendoni se gjatë stinës së verës marrëdhëniet me kolegët mund të bëhen më pikante, e keni shumë gabim. Në një studim të fundit është konstatuar se flirtet mes kolegëve rriten 2 herë më shumë gjatë stinës së dimrit. Pasi janë marrë në studim 2000 persona të cilët punojnë në ndërrmarje të ndryshme, u konstatua se flirtet mes kolegëve rriteshin me 45% gjatë muajit të dimrit.
Gjithsesi këto lloj flirtesh në shumicën e rasteve kanë tendencën për të mos zgjatur, pasi në rregullat e kompanive marrëdhëniet sentimentale mes kolegëve janë të naluara. Kështu shumica e flirteve mbarojnë me aq. Ata të cilët kanë arritur të krijojnë një lidhje stabël me kolegun e zyrës, kanë deklaruar se romanca e tyre ka nisur gjatë muajve të dimrit. Dhe në fakt kjo ka një shpjegim llogjik. Festa e fundvitit që organizohet me stafin.
Më shumë se 30% të puthjeve të para mes kolegëve kanë ndodhur pikërisht në këtë event. Por shumica e lidhjeve në punë, pasi mbarojnë mund të kenë tendencën të shndërrohen në horror për ju. Mendohuni mirë përpara se të nisni një lidhje me kolegun/en.
