Zëvendësi Kryeministri i Maqedonisë së Veriut, Nikolla Dimitrov, në konferencën e përbashkët me Kryeministrin Edi Rama dhe Presidentin e Serbisë, Aleksandër Vuçiç, ka thënë se nisma e “Ballkanit të Hapur” është shumë e rëndësishme.
Gjatë fjalës së tij ai tha se Maqedonia e Veriut nuk mund të mungojë në këtë nismë, pavarësisht dorëheqjes së kryeministrit Zoran Zaev dhe nuk sheh rrezik për të dalë jashtë.
“Nuk mendoj se situata në skenën politike të RMV-se ka arritur në fazen e konkurencës me qeverinë. Ne zhvilluam zgjedhje lokale dhe pse drejtperdrejt e lidhim rezultatin me qeverinë. Po flas tani hipotetikisht por qytetarët duan të ecin përpara dhe kjo nënkupton mes të tjerave dhe marrëdhënie të fqinjësisë së mirë. Do ketë ndryshim të pushtetit. Vullneti i qytetarëve është se kushdo që të vijë në detyrë duhet të ecë përpara. Nuk shoh ndonjë rrezik për të dalë jashtë”, tha Dimitrov.
