Reshjet e para të borës filluan në orët e para të mëngjesit të sotëm, në Kosovë. Bora mund të vërehet më shumë në vende rurale, ndërsa në kryeqytet, po bie me një intensitet më të ultët. Për shumë qytetarë të vendit kjo borë ka qenë e befasishme, pasi jemi në muajin tetor.
Gjatë fundjavës do të jetë mot me vranësira, bënë të ditur Instituti Hidrometeorologjik i Kosovës.
Ditën e sotme parashikohet të ketë reshje të imta shiu, ndërsa të dielën do të ketë reshje me intensitet mesatar. Në viset malore reshjet e shiut kanë mundësi të jenë të përziera me borë.
Temperaturat minimale do të lëvizin ndërmjet 4-7 gradë celsius, ndërsa maksimalet nga 8-14 gradë celsius.
Shtypja atmosferike mbetet e ulët nën vlerat e normales. Do të fryjë erë kryesisht nga veriu dhe verilindja, shpejtësia e së cilës mund të arrijë deri 11m.
