Një 69-vjeçar është ndaluar nga policia pasi plagosi me thikë bashkëshorten e vëllait të tij. Policia bën me dije se ngjarja ka ndodhur në fshatin Drenovicë në Dimal.
Uniformat blu kanë kapur shtetasin M. (M). O., 69 vjeç, dyshohet me me probleme mendore.
Sakaq, raportohet se gruaja ndodhet jashtë rrezikut për jetën.
Njoftimi i policisë:
Sapo janë njoftuar se mesditën e sotme, në një rrugë të fshatit Drenovicë, një shtetas kishte dëmtuar me mjet prerës (thikë), bashkëshorten e vëllait të tij, specialistët për Hetimin e Krimeve të Stacionit të Policisë Dimal kanë organizuar punën dhe kanë shkuar në vendngjarje, me qëllim nxjerrjen përpara përgjegjësisë penale, të autorit.
Menjëherë u bë kapja dhe ndalimi i shtetasit M. (M). O., 69 vjeç (shtetas me probleme mendore), i cili kishte dëmtuar me mjet prerës (thikë), shtetasen L. O., 60 vjeçe, e cila është jashtë rrezikut për jetën.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
