Jo të gjithë heronjtë veshin pelerina. Kjo është një thënie mjaft e njohur dhe e vërtetë në fakt. Heronjtë vijnë në të gjitha format; dikush shpëton kafshët e rrugës, dikush ndihmon të moshuarit e një tjetër thotë “Gucci Gang” 1 milion herë që të mbedhë para për bamirësi.
“Gucci Gang” është titulli i një kënge të rreperit Lil Pump, i cili përsërit pafundësisht fjalët Gucci Gang në këngë.
Pak a shumë si“t’lagi me shampanjë”
Personi i cili pati këtë ide është një personalitet në Youtube, dhe e gjeni me emrin Graham The Christian. Të gjitha paratë që do të gjeneroheshin nga livestream në të cilën Graham do të thoshte “Gucci Gang” 1 milion herë, do t’i shkonin fondacionit Red Nose Day për të ndihmuar fëmijët e varfër.
Graham tha “Gucci Gang” për 15 ditë rrjesht, duke filluar nga 30 dhjetori për 17 orë në ditë. Sfida përfundoi përpara 2 ditësh dhe Graham arriti të mbledhë 10.000 dollarë.
Në llogarinë e tij në Youtube, Graham ka postuar 1000 Gucci Gang-et e fundit. Në videon që zgjat rreth 15 minuta mund të dallohet edhe gjendja e tij jo e mirë nga lodhja dhe pagjumësia.
