Dikur ishin aktorë në Portokalli, sot përplasen për teatrin

Erion Isaj, ish-aktor i Portokallisë, që tashmë është drejtor i Teatrit të Kukullave, ka shkruar një status të gjatë në Facebook-un e tij për teatrin. Teksa bën thirrje për krijimin e një teatri dinjitoz, dhe të përshtatshëm, ai ndalet te protestat e ndodhura së fundmi duke i quajtur të lidhura me partitë dhe teatrale. Por ky status nuk i ka pëlqyer aktorit dhe moderatorit Gentian Zenelaj, i cili i ka komentuar kolegut të tij.
Genti i kujton në koment kullat që priten të ndërtohen, duke i thënë të mos përdorë gjuhë fyese kundrejt askujt.
“Erion Isai eshte pyetja.A je qe te kete nje teater me 7 kulla mbrapa??? A mendon qe Tirana dhe qytetaret e Tiranes duhet te sakrifikojne kaq shume toke publike per 7 kulla te privatit ..plus dy kulla te bashkia mbrapa plus 2 kulla te 15 kateshi plus nje kulle te dhoma e tregetise plus nje kulle te kendi i lojrave per femije te rruga e elbasanit…ja Erion ketu ndahet muhabeti..dhe mos i etiketo koleget ne kolege partie sepse nuk te rri fare..po fare…per here te pare ne ate oborr une kam pare artiste qe kane 20 vjet qe nuk flasin me njeri tjetrin por ama per teatrin ulen ne 1 tavoline dhe kjo eshte gje e mire.une e dua nje teater te ri ..te gjithe e duan..por ka edhe histori ky teater..do e fshini me gome ??dhe meqe zelli jot te ka detyruar te kalosh edhe ne fyerje une sdo ta bej ..mos harro Erion.kemi dale nga e njejta miter artistike ..akademia e arteve.nuk me vjen aspak mire qe per hater te kryetarit tend fyen kolege..”, i shkruan Genti.
Ndërkaq Erioni i ka kthyer përgjigje:
Miku im. Asnje moment dhe asnje fjale fyese as i kam drejtuar dhe as i drejtoj kolegeve. Ne jemi artiste te gjjthe bashke dhe asgje nuk vendos mbi kete parim. Megjithse njerez ne proteste cfare skane thene e cfate skane shkruar per mua, dhe askush nuk ju tregoi limitin e fyerjeve… teatralet, ne kete shkrim nuk jan artistet por ata qe tentojne te gjejne nje proteste per ta shrytezuar politikisht. Po ku hyn politika ketu? Blu apo i kuq. Miku im, nese dhe ti e do nje teater te ri, ta shohim njehere kete mundesine, se ndoshta ja vlen. Ose ndoshta sja vlen. Kjo duhet degjuar. Kaq. Koleget e mi jane kolege dhe parimet mbi kete sdo ti shkel. Te perqafoj shume”