Një banesë në fshatin Guri i Zi, pjesë e njësisë administrative Arras në Dibër është djegur plotësisht. Ngjarja ka ndodhur rreth orës 18.30, duke lënë në qiell të hapur një familje.
Pas ndërhyrjes së forcave policore të ndihmuar dhe nga banorët e fshati është bërë i mundur lokalizimi i zjarrit. Banesa i përket shtetasit G.T, dhe si pasojë e zjarrit banesa është djegur plotësisht. Shkaku paraprak i rënies së zjarrit dyshohet të jetë një shkëndijë elektrike. Deri tani nuk raportohen dëme në njerëz .
Vajza e të zotit të banesës, shtetasja O.T, rreth 17 vjeçe sipas deklarimeve të komshinjve në momentin që banesa ka marrë flakë është larguar e frikësuar dhe është fshehur. Policia po vijon kontrollin përreth zonës për gjetjen e saj. Grupi hetimor ndodhet në vendngjarje dhe po heton mbi shkaqet e rënies së zjarrit.
