Gjatë natës është djegur makina e shefit të krimeve në Policinë e Tepelenës, Gentjan Shehu. Automjeti tip “Ford” ka qenë i parkuar poshtë pallatit, ndërsa ngjarja dyshohet se ka ndodhur rreth orës 5:00, në lagjen “15 shtatori” të Tepelenës. Gjithsesi, sipas policisë shkaku mendohet të jetë një defekt elektrik.
“Në datën 11.04.2019, rreth orës 5:00, në lagjen “15 shtatori”, Tepelene, ka marr flakë dhe është djegur në pjesën e përparme mjeti tip “Ford”, (mjeti ka qenë i parkuar para pallatit), në përdorim të shtetasit G.Sh. Në vendngjarje shkoi grupi hetimor dhe nga hetimet e para procedurale rezultoi se shkaku i djegies së mjetit është aksidental”,ka njoftuar policia./Opinion.al
