Tre automjete janë përfshirë nga flakët në rrugën “Ndre Mjeda”, tek ish “Parku”. Sipas informacioneve, ngjarja ka ndodhur rreth ores 2 të mëngjesit dhe mësohet se automjetet kanë qenë të parkuara në rrugë. Nga të dhënat paraprake, dyshohet se ka qenë zjarrvënie e qëllimshme.
Zjarri ka përfshirë makinën e një personi me precedentë penalë, gjë e cila shton dyshimet se zjarrvënia ishte e qëllimshme. Nga zjarri u dogj dhe automjeti i një efektivi të Policisë së Shtetit, por që nuk kishte lidhje me ngjarjen.
Policia mori në pyetje pronarin e mjetit të cilit iu vu flaka lidhur me konfliktet që ai mund të ketë, por deri më tani, nuk jepen detaje të mëtejshme lidhur me ngjarjen.
Njoftimi i policisë:
“Tiranë/Informacion paraprak
Më datë 06.04.2020, rreth orës 02:10 në rrugën “Ndre Mjeda”, tek ish “Parku”, ka rënë zjarr tek 3 mjetet e parkuara, me pronësi të shtetasve SH.K., R.K., dhe A.M . Nga Sherbimet e zjarrëfikses u bë e mundur fikja e zjarrit , ku si pasojë ka vetëm dëme materiale.
Grupi hetimor dhe Sherbimet e Policisë vijojnë punën për zbardhjen e rrethanave të ngjarjes dhe përcaktimin e shkakut të zjarrit.”/ Opinion.al
