Eshtë djegur pak pas mesnate makina e kryetarit të Bashkisë së Lezhës, i zgjedhur nga e djathta, Fran Frrokaj. Po kështu është djegur edhe një automjet tjetër i parkuar pranë fuoristradës së Frrokajt. Ngjarja ka ndodhur rreth orës 00:45 në lagjen Beslidhja në parkingun e jashtëm të pallatit.
Policia përmes një njoftimi për mediat tha se “nga veprimet e para hetimore, rezulton se janë përfshirë nga flakët dy automjete të parkuara afër njëra – tjetrës , dhe konkretisht automjeti Mercedes Fuoristradë ML me targë AA 400 JK në pronësi të një gruaje me iniciale Sh.P. dhe në përdorim nga shtetasi F.F. Po kështu është djegur mjeti Mercedes Benz me targë LE 7495 E në pronësi të shtetasit K.Ll”.
Grupi hetimor po vijon kryerjen e veprimeve në vendngjarje.
Janë marrë disa deklarime si dhe po bëhet këqyrja e kamerave përgjatë rrugës dhe në afërsi të vendit të ngjarjes me qëllim sqarimin e plotë të rrethanave të ngjarjes.
Gjithashtu po bëhet vlerësimi i rastit nga eksperti piroteknik me qëllim përcaktimin e shkakut të rënies së zjarrit, thuhet në njoftimin e policisë. /Opinion.al
*Më poshtë pamje nga vendi i ngjarjes. Siç shihet mëngjesin e sotëm makinat janë levizur nga pallati, por kanë mbetur gjurmët e zjarrit.
