Një makinë është djegur në qytetin e Elbasanit pas mesnatës së mbrëmshme. Ngjarja ka ndodhur në lagjen “Qemal Stafa” rreth orës 4.20 të mëngjesit, ndërsa mësophet se mjeti tip BMW përfshirë nga flakët, është në pronësi të shtetasit L.Ç 40 vjeç.
Policia dyshon për zjarrvënie të qëllimshme.
Njoftimi i policisë
Rreth orës 04:20, në lagjen “Qemal Stafa”, Elbasan , ka rënë zjarr në mjetin tip “BMV” , me targë AA 099OJ, në pronësi të shtetasit L.Ç , 40 vjeç , banues në lagjen “Qemal Stafa”Elbasan.
Mjeti ishte i parkuar në anë të rrugës, dhe si pasojë e flakëve mjeti është djegur pjesërisht në pjesën e motorrit.
Në vendgjarje ka shkuar grupi hetimor ku nga veprimet e para hetimore dyshohet se zjarri është i qëllimshëm.
Vijon ende puna për zbardhjen dhe dokumentimin e plotë të ngjarjes.
