Një furgon është djegur gjatë orëve të para të mëngjesit në oborrin e një banese në qytetin e Vlorës. Ngjarja ka ndodhur në lagjen “1 Maji” dhe si pasojë e flakëve që kanë përfshirë automjetin është djegur pjesërisht edhe një makinë tip “Pegeot”, i parkuar në afërsi të tij.
“Më datë 28.03.2021, rreth orës 03:51, në lagjen “1 Maji”, Vlorë, në oborrin e një banese, ka rënë zjarr dhe është djegur një mjet tip furgon, si pasojë e flakëve është dëmtuar pjesërisht dhe një automjet tip ”Pegeot”, i parkuar në afërsi të tij, në pronësi të shtetasit E. Gj., banues në Vlorë”, njofton policia.
Sakaq, policia po punon për zbardhjen e rrethanave të ngjarjes dhe shkakut të rënies së zjarrit./Opinion.al
