Europa Qendrore dhe Jugore është përfshirë nga flakët e zjarrit ditët e fundit, çka ka detyruar banorët dhe turistët të largohen nga shtëpitë ose çadrat e tyre, për shkak të zjarreve masive.
Shkaqet nuk dihen ende për shumicën e zjarreve, por mijëra zjarrfikëse janë dërguar për shuarjen e e flakëve në pesë shtetet më të dëmtuara, shkruan opinion.al
-Kroaci
Rreth 12 zjarre shpërthyen, në qytetin e dytë më të madh të Kroacisë, në Split destinacion i mrekullueshëm turistik. Qindra makina u dogjën dhe një qendër banorë u evakuan në periferi të Splitit, pasi zona ishte e mbuluar nga flakët dhe tym i zi i trashë. Rreth 4500 hektarë tokë u shkatërrua, përfshirë edhe shtëpitë. Zjarrfikësit kanë punuar gjatë natës për të sjellë nën kontroll zjarrin. Flakët e mëdha lanë disa pjesë të qytetit pa ujë dhe energji elektrike.
-Mali i zi
Në Malin e Zi zjarret në pyje detyruan evakuimin e rreth 100 kampistëve. Flakët përfshin gadishullin Lustica dhe u përhapën më tej.
-Francë
Qindra zjarrfikëse u vendosën në dispozicion, për shuarjen e flakëve nga Nica deri në jug të Francës. Flakët shkrumbuan rreth 9 hektarë zonë pyjore.
-Itali
Në Itali, zjarri shkrumboi një pyll pishe pranë lagjes bregdetare të Romës, në Ostia. Flakët, nga erërat e forta, shkonin drejt shtëpive, të zotët e të cilave u detyruan të evakuoheshin. Pushuesit gjithashtu u larguan nga plazhet, pasi tymit arriti deri në bregdet. Zjarri tani është nën kontroll. Besohet se është nisur qëllimisht dhe një i dyshuar është arrestuar.
-Portugali
Në bregdetin e Atlantikut të Evropës pothuajse 1,400 zjarrfikës të mbështetur nga avionë bombardues të ujit dhe helikopterët kanë luftuar për shuarjen e tri flakë në Portugalin veriore, që nga e diela. Autoritetet thonë se zjarrfikësit e kanë pasur të vështirë të shuajnë flakët, për shkak të temperaturave të larta./Opinion.al
