Të paktën 30 persona janë bllokuar në një varkë të djegur në brigjet e Kalifornisë jugore. Një operacion shpëtimi që po zhvillohet ndërsa raporti për numrin e viktimave dhe të plagosurve është i pakonfirmuar.
Rojet bregdetare dhe personeli i departamentit të zjarrfikësve nga Ventura Cuntry po nxitojnë të ndihmojnë njerëzit në një anije pranë ishullit Santa Cruz, afër qyteteve të Santa Barbara dhe Los Angeles.
Departamenti i Zjarreve në Santa Barbara ka lajmëruar në mëngjesin e së hënës se pesë persona janë shpëtuar dhe 34 janë të humbur.
Departamenti i Zjarreve në Ventura tha në një njoftim që i ishte përgjigjur një raportimi zjarri në një varkë në orën 3:28 të mëngjesit me kohën lokale.
Një njoftim nga Rojet Bregdetare në Los Anxheles tha që disa anëtarë të ekuipazhit ishin shpëtuar dhe shpëtimtarët po punonin për të evakuuar pasagjerët e mbetur. Një anëtar i ekuipazhit kishte lëndime të lehta.
Zyrtari i lartë i rojës bregdetare Aaron Bemis i tha CNN se anija kishte 39 persona brenda – pesë anëtarë të ekuipazhit dhe 34 pasagjerë nën kuvertë. Vazhdon lufta për shuarjen e zjarrit për shkak të sasisë së karburantit në anije.
Raporte të shumta të pakonfirmuara thonë se anija quhet Conception dhe drejtohet nga një shërbim lokal me qera i varkave. /Opinion.al
