Siç ishte parashikuar, kjo e martë “ka rikthyer” dimrin në vendin tonë. Rajoni verior është më i prekuri, ku në shumë qytete kanë nisur reshje të vazhdueshme dëbore. Dibra është mbuluar nga bora, ku në qytete arrin 10 centimetra trashësi, ndërsa në zonat më të larta arrin rreth 15-20 centimetra.
Në disa fshatra, raportohen probleme me energjinë elektrike pasi rrjeti elektrik është i amortizuar.
Nga ana tjetër, Autoriteti Rrugor Shqiptar njofton se pavarësisht reshjeve të dëborës, vetëm në dy akse rrugore duhen përdorur zinxhirët. Ura Çerenecit-Stebleve kalimi bëhet 10 kilometrat e fundit me zinxhirë pasi ka 4-5 centimetra borë, fryn erë dhe herë-herë krijohen duna si dhe në rrugën Kuben-Vasije zinxhirët duhen përdorur pjesërisht në pesë kilometrat e fundit pasi bora arrin deri në 15 centimetra.
Ndërkohë nuk raportohen probleme në rajonin qendror apo atë jugor./Opinion.al
