Policia e Dibrës në bashkëpunim më FNSH ka ndërmarrë një aksion në gjithë qarkun duke ngritur pika kontrolli me qëllim rritjen e parametrave të sigurisë.
Kjo do të thotë se pika kontrolli kanë ushtruar veprimtarinë e tyre në akset rrugore e banesa, ambjente lokalesh për kapjen e personave në kërkim, të atyre që qarkullojnë dhe mbajnë armë zjarri me vete apo në banesa, për goditjen e trafikut të lëndëve narkotike, si dhe për parandalimin e kultivimit të bimëve narkotike.
Policia ka sekuestruar 100 copë kapsolla shpërthyese si dhe një sasi lënde narkotike. Në pranga janë vendosur 2 persona.
38-vjeçari Fatjon Traka u kap në makinën e tij ‘Landrover’, pasi poshtë sediles së shoferit është gjetur një kuti kartoni me ngjyrë të verdhë, brenda së cilës ndodheshin 100 copë kapsolle alumini shpërthyese.
Traka kishte lindur dhe dhe banonte ne Dushaj, në Bulqizë.
Personi tjetër që u vu në pranga ishte 32-vjeçari Kleo Kaleshi, lindur dhe banues në Muhurr, Peshkopi.
Në momentin e ndalimit nga policia për kontroll, Kaleshi tentoi të largohet me vrap duke hedhur poshtë rrugës një qese ku brenda saj kishte kanabis, të cilën e mbante në makinën e tij “Land Rover” me targa angleze
Nga peshimi rezultoi se Kaleshi kishte me vete 30 gram kanabis.
