Të izoluar prej një jave banorët e Shumbatit në Dibër janë detyruar të organizohen me lopata dhe të hapin 3 km rrugë për rastet e emergjencave shëndetësore.
“Jemi 20 vetë që kemi marrë lopatat për të hapur rrugën për të kaluar furgoni. Në fshat kemi 4 të sëmurë rëndë. Nuk kemi as ushqime”, -thotë një prej banorëve.
Sipas tyre, fadroma e klientëve të Bashkisë ka hyrë dhe ka hapur vetëm disa dhjetra metra dhe është kthyer. Ata tregojnë se e njëjtë situata është edhe për fshatin Dipjakë ku fadroma ka kaluar dhe është kthyer në mes, por rruga është sërish e pakalueshme. Ndërsa në fshatrat e tjera nuk ka shkuar fare.
