Një aksident aspak i zakontë i ka marrë jetën një 60-vjeçari në Dibër. Policia ka informuar se një 60-vjeçar me iniciale N. B., i cili teksa po zbriste nga makina e parkuar ku ishte pasagjer, u rrëzua aksidentalisht.
Si pasojë e rrëzimit 60-vjeçari ka marrë dëmtime të rënda në kokë.
Mësohet se ai është nisur drejt Spitalit të Traumës në Tiranë por nuk ka mundur t’i mbijetojë plagëve të marra dhe ka ndërruar jetë.
Sipas policisë 60-vjeçari mori dëmtime të rënda në kokë.
Grupi hetimor po vijon punën për zbardhjen dhe dokumentimin e plotë të shkaqeve të ngjarjes./Opinion.al
