Një ngjarje e rëndë ka ndodhur ditën e sotme në zonën e Maqellarës në Dibër. Nusja 44-vjeçare ka goditur me thikë vjehrrën e saj, e cila ka ndërruar jetë menjëherë si pasojë e plagëve të marra.
Sipas policisë ngjarja u regjistruar në fshatin Burrim, Maqellarë në banesën e 44-vjeçares. Ndërkohë 44-vjeçarja është arrestuar në flagrancë nga policia.
“Goditi me mjet prerës (thikë), vjehrrën e saj duke i shkaktuar vdekjen, arrestohet në flagrancë nga policia 44 vjeçarja.
Nga specialistët për hetimin e Krimit në Komisariatin e Policisë Dibër, u bë arrestimi në flagrancë i shtetases :
M.M.,44 vjeçe, banuese në fshatin Burrim, Maqellarë, pasi në orët e mbrëmjes datë 11.04.2021, në banesën e saj dyshohet se për motive të dobëta, ka goditur me mjet prerës (thikë) vjehrrën e saj, shtetasen N.M., 74 vjeçe, e cila si pasojë e plagëve të marra ka ndërruar jetë menjëherë.
Grupi hetimor në vendngjarje ka sekuestruar në cilësinë e provës materiale mjetin prerës që dyshohet se është përdorur nga autorja e ngjarjes.
Materialet procedurale iu referuan Prokurorisë Dibër për veprën penale “Vrasje për shkak të marrdhënieve familjare”, njofton policia./Opinion.al
