Në transmetim live të emisionit “Opinion”, moderatori Blendi Fevziu mori një mesazh në telefon nga një shqiptar, i cili jetonte në Britaninë e Madhe.
“Po ju ndjek në Opinion dhe nuk munda të gjej një kontakt tamam, por ju tregoj se si është vjedhur vota këtu në Londër. Me presion, administrata duke kërkuar votën këtyre këtu, ose i heqin nga puna. Me respekt filani nga Hasi, me banim në Londër”, ishte mesazhi që lexoi Fevziu.
Të njëjtën gjë pretendoi më herët edhe demokrati Eno Bozdo, i cili rreshtoi një sërë episodesh ku sipas tij është manipuluar vota e diasporës.
