Sekretari Amerikan i Shtetit, Antony Blinken, ka reaguar pas takimit të zhvilluar me me delegacionin shqiptar që kryesohej nga ministrja e Jashtme Olta Xhaçka.
Në një postim në “Twitter” teksa thotë se u festua Dialogu Strategjik i suksesshëm SHBA-Shqipëri, Sekretari Blinken ka dhënë detaje për atë çka u diskutua.
Blinken bën me dije se temat e takimit ishin prioritetet e përbashkëta si mbrojtja duke përfshirë mbrojtjen kibernetike, ndryshimet klimaterike dhe tregtinë.
“Kënaqësi që takohem me miken time, Olta Xhaçka dhe të festojmë një Dialog Strategjik të suksesshëm SHBA-Shqipëri. Ne diskutuam për prioritetet e përbashkëta në reformën demokratike, mbrojtjen, duke përfshirë mbrojtjen kibernetike, ndryshimet klimatike dhe tregtinë. Shtetet e Bashkuara qëndrojnë krah për krah me Shqipërinë, një aleate prej kohësh”, shkroi Blinken.
Good to see my friend @xhacka_olta and celebrate a successful U.S.-Albania Strategic Dialogue. We discussed shared priorities in democratic reform, defense, including cyber defense, climate change, and trade. The United States stands side by side with Albania, a longstanding Ally pic.twitter.com/xROTLc8Txc
— Secretary Antony Blinken (@SecBlinken) October 26, 2022
