Presidenti i Serbisë, Aleksandër Vuçiç,ka folur në lidhje për dialogun mes Kosovës dhe Serbisë si dhe për çështjet e tjera integruese të Ballkanit Perëndimor.
Në një intervistë për “Der Standard”, Vuçiç ka folur dhe për deklaratat e bëra nga kryeministri i ardhshëm i Kosovës, Albin Kurti, duke i cilësuar ato si të këqija.
“Janë tri herë më të këqija sesa të Ramush Haradinajt e Hashim Thaçit. Kam frikë për ndikimin që mund të ketë në dialog. Ditët e fundit, deklaratat e tyre publike kanë qenë tri herë më të këqija se deklaratat e Hashim Thaçit dhe Ramush Haradinajt”-tha ai.
Po ashtu, Vuçiç ka folur dhe për krijimi i zonës së minishengenit në Ballkanit Perëndimor, duke thënë se deri në fund të 2019, qytetarët e Serbisë do të kenë mundësi të udhëtojnë pa pasaporta drejt Shqipërisë.
“Ne tani duhet të kujdesemi për veten dhe të përqendrohemi në arritjen e katër lirive këtu (lëvizja e lirë e mallrave, kapitalit, njerëzve dhe shërbimeve). Aktualisht kemi nevojë për pasaportat tona kur udhëtojmë në Tiranë ose Shkodër. Deri në fund të vitit do të kemi arritur që mund të udhëtojmë vetëm me kartën e identitetit”-shtoi Vuçiç./ Opinion.al E.Xh.
