Humbje kohë për vendin cilësojnë analistët në Prishtinë 4 vitet e qeverisjes Kurti për sa i përket procesit të dialogut. Sipas tyre, autoritetet kanë dështuar të përparojnë, ndërsa është kusht zbatimi i marrëveshjes së Ohrit për të çuar përpara rrugën e integrimit.
“Qeveria e Kosovës ka pranuar planin e Bashkimit Evropian, pra marrëveshja e Brukselit dhe aneksi i Ohrit. Cilado qeveri që do të vijë në të ardhmen e afërt pas zgjedhjeve të vitit të ardhshëm, do të jetë e detyruar për t’i zbatuar këto marrëveshje ndërkombëtare”, thotë Dritëro Arifi.
“Premtimi thelbësor ka qenë që nuk do të ketë hyrje në dialog. Është bërë dialogu, por ka ardhur edhe te një pajtim i ndodhur i cili ka qenë si pasojë e këtij dialogu, rrjedhë e pajtimit të Brukselit dhe aneksit të Ohrit”, shprehet Albinot Maloku.
Vlerësojnë se Kosova është në vend numëro dhe se po humbet mundësitë për të ecur përpara drejt Brukselit.
“Mos të humbim hapat e integrimit në strukutënn euroatlantike sepse po ndryshojnë rrethanat gjeopolitike në skenën e marrëdhënieve ndërkombëtare dhe nëse ne nuk kemi nga shkon politika e jashtme e vendeve të fuqishme, mund të mbesim në status quo.”
“Nuk është pritur që të ketë regres kaq të madh edhe në çështjen e dialogut”.
Në takimet e fundit në Bruksel mes Kosovës dhe Serbisë nuk ka pasur përparim në bisedime, ndërsa palët kanë akuzuar njëra-tjetrën se nuk zbatojnë marrëveshjet e firmosura./ Tv Klan
