Ka shkuar në tre numri i personave të arrestuar për vrasjen e Mikel Osmanit mesnatën e 29 Gushtit të 2016-s në një lokal në Korçë.
Në pranga ka rënë Angel Miçani, i cili dyshohet si bashkëpunëtor i pronarit të lokalit ku ndodhi ngjarja, Olsi Zyberit dhe truprojës së tij Llazar Dine.
Më 29 gusht të 2016, 23-vjeçari Marsel Osmani nga fshati Dishnicë u dhunua barbarisht nga pronari i një lokali me muzikë tallava, Olsi Zyberi. Sherri ka nisur në lokal dhe më pas është zhvendosur në parkimin e lokalit, ku Olsi Zyberi dhe Llazar Dine e kanë qëlluar me levë dhe dru.
Njoftimi i policisë
Shkon në 3 numri i të ndaluarve, në lidhje me ngjarjen e ndodhur më datë 29.08.2016, në një lokal në afërsi të fshatit Dishnicë, ku pas një konflikti me sende të forta, gjeti vdekjen 23-vjeçari Marsel Osmani.
Ndalohet bashkëpunëtori i tretë i kësaj ngjarjeje, për veprën penale “Plagosja e rëndë me dashje” me pasojë vdekje, kryer në bashkëpunim.
Nga shërbimet e Komisariatit të Policisë Korçë, u bë ekzekutimi i vendimit penal për ndalimin e Angel Milçanit, 33 vjeç, banues në Korçë.
Gjykata e Rrethit Gjyqësor Korçë, ka caktuar për këtë shtetas masën e sigurisë “Arrest në burg”, në lidhje me ngjarjen e ndodhur më datë 29.08.2016, në një lokal në rrugën nacionale Korçë-Bilisht, në afërsi të fshatit Dishnicë, Korçë, ku pas një konflikti për motive të dobëta, Olsi Zyberi, dhe Llazar Dine, (pronari i lokalit dhe truproja), kanë plagosur me sende të forta Marsel Osmanin, i cili si pasojë e plagëve të marra, ka gjetur vdekjen disa ditë pas ngjarjes, në Spitalin e Traumës në Tiranë.
Nga veprimet e mëtejshme hetimore dhe provat e grumbulluara, rezulton se bashkëpunëtor me dy shtetasit e mësipërm (të cilët janë ndaluar më parë nga Policia) ishte edhe Angel Milçani.
Materialet në ngarkim të tij, i kaluan Prokurorisë pranë Gjykatës së Shkallës së Parë Korçë për veprime të mëtejshme./Opinion.al
