Është arrestuar një prej autorëve që dhunoi mbrëmjen e djeshme 44-vjeçarin në Kavajë.
Unifromat blu bëjnë me dije se ka rënë në pranga 23-vjeçari Danjel Habibi, teksa në kërkim vijon të jetë 35-vjeçari me inciale Q.B.
Sipas videos së publikuar shihen ku dy të rrinjtë e dhunojnë 44-vjeçarin me grushte dhe shkopa bejsbolli, teksa ai është brenda makinës së tij.
Ndërkohë mësohet se 44-vjeçari, pasi ka marrë asistencë mjekësore, është larguar në banesën e tij.
“Goditi me sende të forta 44-vjeçarin dhe i dëmtoi automjetin, kapet dhe arrestohet 23-vjeçari i shpallur në kërkim mbrëmjen e djeshme.
Si rezultat i veprimeve të shpejta operacionale të kryera për dëmtimin me sende të forta të shtetasit Z. L., 44 vjeç, të kryer rreth orës 20:15, të mbrëmjes së djeshme, në lagjen nr. 1, Kavajë, specialistët për Hetimin e Krimeve të Komisariatit të Policisë Kavajë kapën dhe vunë në pranga shtetasin e shpallur në kërkim D. H., 23 vjeç
23-vjeçari, së bashku me shtetasin Q. B., për motive të dobëta, kanë goditur me sende të forta, shtetasin Z. L., si dhe i kanë dëmtuar atij, automjetin.
44-vjeçari, pasi ka marrë asistencë mjekësore, është larguar në banesë, ndërkaq Policia vijon punën për kapjen e shtetasit Q. B., si dhe për identifikimin dhe kapjen e shtetasve të tjerë që mund të jenë të implikuar në këtë rast”, tha policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprat penale “Plagosja e lehtë me dashje” dhe “Shkatërrimi i pronës”./Opinion.al
