Prokuroria ka kërkuar “arrest në burg”, masë e cila është pranuar nga gjykata për dy të arrestuarit minorenë për plagosjen e 14-vjeçarit pak ditë më parë.
Dy të rinj të moshës 15-vjeç dhe 17-vjeç, janë lënë në burg nga Gjykata e Korçës pasi dhunuan me sende të forta 14-vjeçarin pas një sherri që nisi në TikTok.
Sipas uniformave blu mësohet se konflikti kishte nisur në rrjetin social “Tik-Tok” mes dy grupeve të adoleshentëve që komentonin njëri-tjetrin me fjalë fyese.
Ata akuzohen se kanë goditur me dru në kokë bashkëmoshatarin e tyre duke i shkaktuar plagë. Pas dhunës, i mituri është transportuar në Tiranë në gjendje të rëndë shëndetësore.
Për plagosjen e 14-vjecarit është shpalluir në kërkim edhe një 17 vjeçar.
Aktualisht mjekët konfirmojnë se 14-vjeçari ka dalë nga intubimi dhe gjendja e tij duket më e përmirësuar./Opinion.al
