Një 46-vjeçar ka rënë në pranga të policisë. Burri me inicialet A.Sh, banues në Mirditë në mënyrë sistematike ushtronte dhunë fizike dhe psikologjike ndaj bashkëshortes së tij në prani dhe të fëmijëve. Mbrëmjen e së premtes pasi është rrahur brutalisht nga 46-vjeçari gruaja e ka denoncuar në polici.
Pasi efektivët mbërritën në banesë, gjatë kontrollit gjetën dhe sekuestruan një armë zjarri kallashnikov dhe një sasi fishekësh luftarak.
Të dhënat publike, të Institutit të Statistikave tregojnë që numrin i rasteve të denoncuara në polici për dhunën në familje është rritur.
Për vitin 2018, policia ka evidentuar 4411 raste të dhunës në familje, e thënë ndryshe, janë regjistruar çdo ditë mesatarisht 12 raste të kësaj forme dhune.
Sipas përllogaritjes së të dhënave, në katër vitet e fundit, rastet e denoncimit të dhunës në familje janë rritur me 28%, pra 963 raste më shumë të evidentuara nga policia, po të krahasojmë 2015 më vitin e shkuar./ Opinion.al
