Prokuroria ka nisur zyrtarisht hetimet për policin që dhunoi 15- vjeçarin në Tiranë.
I mituri kishte thyer karantinën dhe po kthehej në shtëpi me biçikletë kur u dhunua nga një prej policëve i cili rezulton të jetë Glein Ndreu.
Nga ekspertiza mjeko-ligjore del se dëmet ndaj djalit hyjnë në kategorinë e dëmtimeve dhe atij i duhen 9 ditë pushim. Prokuroria pretendon se Glein Ndreu e ka qëlluar me shpullë dhe grusht dhe për të kërkon ndalimin e ushtrimit të çdo detyre publike.
Por ndërkohë pikërisht nga ky rast u prodhua një tjetër skandal pasi në mbledhjen online të Komisionit të Sigurisë, drejtori i përgjithshëm i Policisë Ardi Veli nxori një video ku shfaqej nëna e djalit, Zaida Cobo. Sot po ajo e ka kallëzuar penalisht në Prokurori Ardi Veliun./Opinion.al
