Lirohet nga paraburgmi Vladimir Gjuta. Ai u arrestua më 4 janar, pasi akuzohej se kishte rrahur me çekiç kushëririn e tij, duke i thyer dhëmbët dhe duke i dëmtuar njërin sy.
Vladimir Gjuta është liruar nga paraburgimi. Ai akuzohej se kishte rrahur me çekiç kushëririn e tij dhe për këtë ishte arrestuar më 4 janar.
Ndaj tij gjykata vendosi si fillim masën e arrestit me burg për ‘plagosje të rëndë’ por pas aktit të ekspertimit nga Mjekësia Ligjore plagosja u rikualifikua si e lehtë. Kushëriri i Gjutës i cili është dhe perosni i dhunuar u tërhoq nga ankimi. Prokuroria kërkoi revokimin e masës, ndërsa gjykata vendosi që ta lërë të lirë Vladimir Gjutën
40-vjeçari Vladimir Gjuta është një emër i njohur për drejtësinë shqiptare pasi më herët ka qenë arrestuar si i akuzuar për vendosjen e tritolit në farmacinë e babait të ish- ministrit të Brendshëm Saimir Tahiri më 10 shkurt 2015, por që në përfundim të hetimeve u lirua, pasi akuzat nuk u provuan.
Po ashtu, Vladimir Gjuta kishte kërcënuar ish-ministrin me një mesazh në numrin e tij personal. “Lëre të qetë familjen Gjuta, ndryshe do të kesh pasoja”, shkruhej në mesazhin pas të cilit Tahiri u mor në mbrojtje nga forcat RENEA.
Pak kohë më pas, 40-vjeçari u arrestua për dhunë ndaj babait të tij, duke thyer edhe masën e “arrestit shtëpiak”, por u lirua sepse familjarët nuk ngritën kallëzim penal./ Opinion.al
