Policia e Tiranës ka arrestuar 25-vjeçarin A.Çela, i cili së bashku me dy miqtë e tij dhunuan 16-vjeçaren dhe më pas tentuan ta djegin atë me benzinë.
Ngjarja e rëndë ndodhi ditën e sotme në kryeqytet, në ambientet e jashtme të një pallati.
Ndërkohë në lidhje me ngjarjen uniformat blu arrestuan dhe shtetasit me inicialet E. H dhe D.M, të cilët bashkëpunuan me 25-vjeçarin.
Njoftimi i policisë
Në vijim të informacionit të dhënë ditën e sotme, sipas të cilit, dyshohet se në ambientet e jashtme të një pallati, 3 shtetas (dy prej të cilëve të arrestuar në flagrancë) kanë ushtruar dhunë ndaj një 16-vjeçareje, si dhe kanë tentuar ta dëmtojnë atë me lëndë djegëse (benzinë), ju informojmë se:
Specialistët për Hetimin e Krimeve në Komisariatin e Policisë Nr. 2 bënë të mundur arrestimin e shtetasit A. Ç., 25 vjeç.
Strukturat e Policisë vijojnë punën për zbardhjen dhe dokumentimin e plotë me prova ligjore të kësaj ngjarjeje.
Materialet i kaluan Prokurorisë, për veprime të mëtejshme procedurale./Opinion.al
