Një 33- vjeçar është arrestuar nga policia e Pogradecit pasi akuzohet se ka dhunuar fizikisht bashkëshorten e tij.
Policia bën me dije se në pranga ka rënë shtetasi D. A, ndërsa në gjendje të lirë është proceduar shtetasi E. Q, 35 vjeç, i cili ka goditur me sende të forta kunatin për t’i ardhur në ndihmë motrës së tij.
“Specialistët për Hetimin e Krimeve në Komisariatin e Policisë Pogradec bënë arrestimin në flagrancë të shtetasit D. A., 33 vjeç, si dhe referuan materialet në Prokurori dhe filloi procedimi penal në gjendje të lirë për shtetasin E. Q., 35 vjeç, banues në Pogradec, për veprën penale “Dhuna në familje”, pasi shtetasi D. A., ka dhunuar fizikisht, në banesë, bashkëshorten e tij, ndërsa vëllai i bashkëshortes, shtetasi E. Q., ka goditur me sende të forta shtetasin D. A”, njofton policia.
